Purna Shova Maharjan M.A. in Clinical Psychology
Trainings & Partnership Officer
सन् २०२३ देखि मनोसामाजिक तथा मानसिक स्वास्थ्यको क्षेत्रमा सक्रिय रूपमा कार्यरत एक समर्पित मानसिक स्वास्थ्य पेशाकर्मी हुनुहुन्छ। उहाँले व्यक्ति, परिवार तथा समुदायको मानसिक तथा भावनात्मक स्वास्थ्य प्रवर्द्धन, क्षमता विकास तथा सकारात्मक परिवर्तनका लागि विभिन्न क्षेत्रमा योगदान पुर्याउँदै आउनुभएको छ।
उहाँले M.A. in Clinical Psychology पूरा गर्नुभएको छ। हाल Healing Together Nepal मा आबद्ध रहँदै उहाँले मनोसामाजिक सहयोग, मानसिक स्वास्थ्य सचेतना, ट्रमा हिलिङ, विपद्को समयमा प्राथमिक मनोसामाजिक तथा मनोवैज्ञानिक सहयोग, युवा तथा विद्यार्थीहरूको भावनात्मक सहयोग, परामर्श तथा तालिम र प्रशिक्षण सहजीकरणका क्षेत्रमा काम गर्दै आउनुभएको छ।
उहाँको व्यावसायिक अनुभवमा तालिम तथा कार्यशाला सञ्चालन, प्रशिक्षण सहजीकरण, भावनात्मक तथा मनोसामाजिक परामर्श, मानसिक स्वास्थ्यसम्बन्धी सचेतना अभिवृद्धि, समुदायसँगको सहकार्य तथा क्षमता विकास लगायतका कार्यहरू समावेश छन्। साथै, मनोसामाजिक तथा मानसिक स्वास्थ्यको क्षेत्रमा कार्यरत परामर्शदाताहरूलाई सुपरिवेक्षण तथा व्यावसायिक मार्गदर्शन प्रदान गर्दै उहाँले उनीहरूको क्षमता विकासमा समेत योगदान पुर्याउँदै आउनुभएको छ।
शैक्षिक ज्ञान र व्यावहारिक अनुभवलाई एकीकृत गर्दै उहाँले व्यक्ति, समूह, समुदाय तथा संस्थासँग मानवकेन्द्रित, संवेदनशील, सुरक्षित र सहयोगात्मक दृष्टिकोणबाट काम गर्दै आउनुभएको छ। हरेक व्यक्तिमा आफ्नै क्षमता र सम्भावना हुन्छ भन्ने विश्वासका साथ उहाँ सुरक्षित वातावरण, सही सहयोग र ज्ञानमार्फत व्यक्तिलाई आफ्ना चुनौतीहरूको सामना गर्न तथा सकारात्मक परिवर्तनतर्फ अघि बढ्न सहयोग गर्नुहुन्छ।
उहाँको कार्यशैली व्यावसायिकता, संवेदनशीलता, सहकार्य, सिर्जनशीलता र सशक्तीकरणमा आधारित छ। व्यक्ति तथा समुदायको वास्तविक आवश्यकतालाई केन्द्रमा राख्दै प्रभावकारी र अर्थपूर्ण सहयोग प्रदान गर्नु उहाँको प्रमुख प्राथमिकता हो।
उहाँको व्यावसायिक दृष्टिकोण “मानिसलाई सुन्ने, बुझ्ने, साथ दिने र उनीभित्रको सम्भावनालाई सकारात्मक परिवर्तनतर्फ अघि बढ्न प्रेरित गर्ने” रहेको छ। मानसिक तथा भावनात्मक रूपमा स्वस्थ, सक्षम, आत्मनिर्भर र उत्थानशील व्यक्ति तथा समुदाय निर्माणमा योगदान पुर्याउनु उहाँको दीर्घकालीन उद्देश्य हो।